🇬🇧萬事起頭難？好難搵工？存款穩定地惡化！開始懷疑自己？Send 出幾十封CV都無回音？（有解決方法）
落地英國我覺得 最難 嘅一件事係： 搵第一份工 積極融入社會 2021年落地英國時，要溫書備試轉護士牌+哥哥特殊評估+米爸醫療銜接，太忙了，差唔多落地 1年才搵工。呢段時間當然係食 儲備，望住銀行戶口數字有出冇入💸，即使做足心理準備都好，個心仍然都會覺得唔舒服。 為咗唔想career gap太長，落地後搵咗份義工：一星期兩節，每節4小時，COVID 中心,回答簡單問題,協助人流等手板眼見工夫。呢份義工令我： 1️⃣第一次經歷英國面試&「工作」 2️⃣開口講日常英文 3️⃣識到本地英國人 4️⃣接觸到英國工作文化 5️⃣義工隊員給我介紹工作 6️⃣寫CV時成為我第一份UK「工作經驗」 7️⃣義工隊員幫我做 咨詢人 💸 見工被壓價 轉護士牌之後開始搵工，一心做返care home老本行，Send CV 超過10份，才有1個面試，又話醫護好缺人🤔 第一份工面試表現麻麻地，因無UK經驗被大幅壓價，即場有Offer都拒絕了，之後又有第二份面試，明顯流暢好多，人工不錯，便接受了&一星期返4日，心情雀躍～ 🔎份工難頂&再搵工 可惜入職後，發現份工好伏，人手極短缺&很多不合理，返了不夠一星期，便決定辭職，唔多唔少都打擊了自信心。 本着喺香港有差唔多20年護理經驗，唔覺得自己咁差，回想當年自己初出社會，都見咗好多份工，提醒自己只係啱啱開始，於是上網再參考其他人經驗，發現本地人興將CV upload 去搵工網站。 💻Upload CV 上 CV Library https://www.cv-library.co.uk 第二日上午就有5個電話&3個emails,都是專做health care既agent公司，配對到適合嘅工作。最終揀左3間本鎮老人院面試，自信心返晒嚟。 入職第二份工，吸取第一份工教訓，一星期只返3日，可惜工作氣氛差，被院友襲擊多次，才知道英國不會輕易用藥& 被院友襲擊係常事，又辭工。 ↩️ 穩定下來&心思思想轉工 於是調整自己心態&策略，搵下其他種類care home,最終搵了Brain injury 類，人工不錯，工作氣氛好，好適合自己。 期間都有搵過工，果然有了第一份工之後，面試機會接踵而來，而且仲被挖角，原本準備轉工之際，管理公司轉手&大幅加薪30%，真心驚喜，於是又留低...
