麻煩客人（西客）

返工總會遇到麻煩既人，我做Acquired brain injury（腦傷）院舍，院友一出世就已經係植物人or交通意外成為植物人，需要24小時高度護理照顧。

而面對嘅「麻煩」都係來自家人。

1️⃣院友A 爸爸經常黎探訪，每次都帶不同面孔的女朋友，原本係係人地私事，但每次黎，兩個逗留係房間時間好長，當夠鐘要替院友護理時，打開門會見到兒童不宜既事

2️⃣ 院友B一家係吉卜賽人，吉普賽人的特性係四處流浪，無一個人有工作（全食政府），每次探訪都係全家人黎+ 幾隻狗，起碼20人以上，會比佢地佔據整個lounge,廚師會沖20杯+茶/咖啡&餅乾🍪，佢地好似開party咁開心，逗留2小時後，個lounge打完仗咁，Sofa被小朋友當攀爬架，玩到反轉晒，地氈有狗便便/倒瀉嘅茶杯….

3️⃣ 院友C家人整體好有禮貌，唯獨其中一個中年男性家人，每次黎都會尾除女性員工，問長問短，你結咗婚未？你鍾意食咩？

d動作&態度會令到女職員好唔舒服，其他家人好似睇唔到咁，唔會stop佢。

於是每次遠遠見到佢地落車，女職員會匿埋入staff room，而我作為nurse in charge,會打完招呼，例牌答佢：I ‘m married 之後就會走入drug room做野，交由男同事招呼佢。

最麻煩院友

唯一一個清醒嘅院友，非常racist, 佢每5-10分鐘按一次鐘，我地5個輪流（RN+4 carers)應鐘：佢會鬧：我要白人護士/護理員，唔要污糟邋遢黑人，一堆粗口連珠炮發，無理要求。

佢無話我污糟邋遢，但就黑口黑面問我係咪會比「毒藥」佢食，要我逐粒藥解釋藥性&副作用，佢覺得我解釋合理，就會乖乖合作食哂d藥。

但多數時間耍花樣，我離開間房，佢再按鐘，話要食藥，我再講一次藥性&副作用，佢都係唔食&叫我走….又再按鐘…

最後我地以佢bully 職員，附以每日瘋狂撳鐘紀錄，比一個月notice 佢退院。

英國Care home壓力少過香港，起碼人工唔會包埋被bullied 。

～～～～～～～～～～～～～～～～～～

💉港英Care Home護理工作差異
https://bit.ly/3z0xSV3

💉港英打工出糧假期福利等分別
比較香港津院 & 現在英國工作的Care Home護士工作（長工），並不代表所有公司https://bit.ly/3ZY5yxz

🇬🇧養老：英國老人院生活(一）
院舍環境、食物、照顧&收費
https://methyma.blogspot.com/2022/08/blog-post.html

🇬🇧養老：英國老人院生活（二）
英國人點負擔到昂貴老人院費？腦退化症友善設施
https://bit.ly/3To59lx

#英國生活

#米里媽移民英國