MethyMa米里媽媽在英國

我係care home工作已20年+(香港&英國),香港一直都係做政府津貼院舍;英國就係私人（英國9成私人）。 之前睇過我嘅英國老人院生活post,了解過環境、食物、照顧&收費後，想睇返， 最底有links 。 今個post講返香港長者入住UK院舍可能遇到的難題。 1️⃣英國Care Home收費 昂貴 , 點負擔 ？ Care home每星期（對！每星期）收費由£800-£2000不等，本地人都係要賣樓支付院費,直到手頭上既錢只剩£14,250,才由Council/CHC計劃接手支付。如果一個仙都無，一開始就直接住由Council支持全部院費的院舍。 BNO香港長者想入住，都一樣要自付，有谷友話父母一個仙都無，係咪由Council支付院費，免費住老人院。呢個問題我真心答唔到你，我搵到嘅資料係Social care is not a 'public fund' for immigration purposes and can be provided to a person who has no recourse to public funds. 就咁理解,BNO 長者身家過到means test（少過£14,250）可以全數由council支付院費。 不過！我諗你帶得父母過嚟，你都預咗自己會照顧佢，包括錢財上，council 支持院費過程，會唔會點都牽涉到public funding,我諗真係要自己了解清楚，我答唔到你。或等熟悉social care既谷友提供資訊。 🔥想 入住前，將啲錢轉俾晒仔女, 等council俾晒院費, 係唔work既, 屬Deprivation of Assets 2️⃣入住Care Home要面對嘅適應問題 喺香港做咗咁多年津院，除咗早期「自梳女」 or 極少唔想麻煩仔女嘅老人家，心甘情願自己申請&入住外，大部份人一開始都唔想住院舍，到之後慢慢適應&住到終老。 喺英國嘅院舍，幾乎所有住客都係本地英國人，所以日常溝通一定以英語為主，食物亦係標準英式餐膳。 如果有老人家英文能力只係停留喺 “Hi” 同 “Bye” 嘅水平，可以想像到佢入住之後，唔單止聽唔明職員講嘢，更加冇機會同其他人傾偈，生活上可能會感到孤立。做仔女既要探得密d,減低孤獨感。 即使係香港嘅院舍，老人家嘅飲食習慣已經係服務上最大...

米爸在香港時已發現左下顎有一隻打橫生的智慧齒。由於需要鋸開4份才能取出，當時的手術費用約為 $6000。此外，醫生提到有 1/10 的機會會觸碰到神經線；1/100 的機會可能會出現長期不適，但程度難以預測，所以一直拖住。 來到英國後，登記了 NHS 牙醫，智慧齒影響鄰近牙齒，決定處理咗佢。米爸本身有免疫系統病&其他病史，牙醫將他轉介至醫院的口腔頜面外科（Oral & Maxillofacial Surgery）。醫院需要與神經科的專科醫生溝通，確認米爸的身體狀況是否適合麻醉手術。 等了半年見醫生，再等多半年在 NHS 的安排下將呢隻打橫生的智慧齒拔除，當日有一個牙醫+4個護士，過程順利，因為係當NHS hospital service，所以費用完全免費。 先剝左下顎隻智慧齒 此外，米爸右下顎也有一隻打橫生的智慧齒。原本打算一次過拔除兩邊的智慧齒，並留院一晚。但最後還是決定分開兩次處理，始終拔牙後會留下傷口，至少可以保留一邊用來進食，減少生活上的不便。 🗃️ NHS 口腔頜面外科（Oral & Maxillofacial Surgery）主要處理以下情況： 1.智慧齒及其他牙齒的手術拔除：特別是打橫生長或埋伏在牙骨內的智慧齒。 2.齒槽問題：包括囊腫,腫瘤或感染等較複雜的齒槽疾病。 3.面部外傷：如顎骨骨折、面部軟組織損傷 4.牙顎畸形：需要矯正手術來改善咬合或面部結構問題。 5.口腔癌和腫瘤：診斷及手術治療口腔內的癌症或腫瘤。 6.唾液腺問題：例如唾液腺感染、結石或腫瘤等。 7.神經性問題：例如三叉神經痛或面部神經相關的病症。 8.先天性問題：如唇顎裂或其他先天性面部缺陷的手術矯正。 9.口腔感染和炎症：嚴重的口腔及面部感染需要手術處理。 這個部門專門處理口腔、牙齒、面部和顎部的複雜問題，提供全面的診斷和外科治療。 ～～～～～～～～～～～～～～～～～～ 🦷牙醫 ：私家症VS NHS症 2022年, 一家四口登記到NHS症, 要keep住每年幫襯，否則會從NHS list上移除 https://methyma.blogspot.com/2022/10/vs-nhs-2022nhs.html 🩺NHS專科轉介總結分享（IHS 包哂費用） 各區專科轉介需時/覆診注意事項/想轉醫生 https://methyma.blogspot.com/2...

1️⃣英國電力/煤收費係點樣計？    Standing charge +  Unit price  2️⃣乜嘢係Standing charge？    每一日一定都要比嘅價錢，即使你一度電都唔用，都要俾。 3️⃣乜嘢係unit price？    每度電嘅價錢，每用一度電就扣一個unit price 4️⃣點解我哋可以轉能源供應商？ 香港只得中電&港燈，但英國現時有20+間能源（零售）商 另外英國有不同嘅發電廠、供電系統（電纜）&電錶，都由不同公司擁有。 呢37間零售商，同發電廠用批發價買電返嚟，分銷俾我哋，所以我哋係幫襯零售商 買電。 小販（37間能源供應商）去果欄（發電廠，電錶擁有者）攞貨，再以零售賣俾我哋。 5️⃣點解能源公司報價係計一年嘅價錢 因為有啲公司unit price 高;有啲就Standing charge 高，難以完全比較。為咗方便比較&理解，所以就會報出一年嘅價錢。 例如一家四口，住喺三房屋，佢會預計你一年會用幾多度電(+ standing charge),從而報出一年嘅用電價錢。 6️⃣Ofgem 係乜？    英國既獨立能源監管機構。 7️⃣乜嘢係Cap price？ 由Ofgem負責制定能源公司unit price & standing charge上限收費，現時Cap price 會每兩個月更新一次（之前每半年更新一次）。 8️⃣點搵最平能源公司plan 以往我地會係格價網頁格價，而家多咗好多唔同玩法嘅能源plan，所以已經好難用格價網比較。 所以你就要睇返自己嘅用電模式，去選擇能源（零售）商。 例如大家熟悉嘅🐙Octopus,佢玩法多端。 Fixed plan , flexible plan ,tracker plan, Aglie plan,太陽能供電,電力車充電🪫等等，好多選擇，所以點解佢咁愛歡迎。 揀Fixed plan好處與壞處 首先Fixed plan唔係收咗個價錢,任你用電咁解，而係比一個固定嘅價錢，一年內都係收呢個價（unit +standing) 好處：不受能源價格波動影響，通常會開一個比Cap price 略高嘅價格比你）         ...

妹妹升上中學（Yr 7）才短短3個月，適應之快&對自己的高要求，讓我深感驚喜。 小學Yr 6考既SATs成績不錯,升上中學後再考CAT,數學&外語分別被編入top set能力嗰一班：老師教得好，同學們能力相當，學習氣氛相當好，更能夠學到更多知識，意識到要努力保持自己的水平，繼續留在這個 Top Set 班級中。 🔢 燃起學習熱情，自信&有成就感 妹妹特別喜歡數學老師與他們一起解題。每次有同學能破解難題時，老師總會裝出一副誇張的驚訝表情，大讚他們的速度比自己還快，逗得全班哈哈大笑。呢種互動不僅讓課堂充滿趣味，亦令妹妹係成功解開難題時倍感成就感，對數學的熱情越來越高漲。 熱愛與努力-法文&西班牙文 Yr 7 一律要學法文&西班牙文/德文，而且兩科有定期assessment。妹妹小學year 3開始學法文，以為佢會鍾意法文多啲，被編入了西班牙文之後，便愛上這項語言。為咗繼續喺Top set呢一班，自覺地溫書，Youtube 資源豐富，幫助很大。 📝法文&西班牙文 考試 剛剛11月，法文和西班牙文分別都有assessment，考試題目24條，聽力與寫作並重，西班牙文的成績稍微佔優，兩科都取得Top Set成績。 📑 Yr 7課堂分班簡述 簡單來講，每個學生被編入主要3個group 1️⃣Tutor group     一齊上Science PE,history, English, IT 2️⃣Mixed group    一齊上drama, art, PSHE, technology  3️⃣Set group-按成績     math, modern language, geography 妹妹與她的老友編入同一個tutor group，所以會一齊上Science PE,history, English & IT堂，其他的就按被編入的mixed or set group與不同同學一起學習。 數學  開學時以小學SATs成績分班，之後           按CAT考試成績分set group,每個term 進          ...

💍年輕印度同事對住年歷皺眉，問他在苦惱什麼，他說要回家結婚，正在mark大假，我試探的問：不想結婚？ 他說：父母幫我找的老婆，是同一條村的，沒見過，但看過照片很漂亮。 我驚訝這個時代還有「盲婚啞嫁」，他沒所謂的說： Arranged marriage is our culture 。另一個印度同事搖頭：我就不會聽從家人安排。 🍔一位有六歲女兒的印度同事正埋頭按手機。我輕敲枱面，提示返工時候不能玩手機，除非有急事。 他說：很快！幫女兒訂了漢堡包，想確定有送貨。我問：你女兒不是在印度嗎？ 他：對啊，我用印度app訂了漢堡包，給她一個驚喜。 他把手機遞給我，畫面似是CCTV:一個送貨員騎著電單車，將漢堡包送到他的女兒和婆婆手上。他露出滿意的笑容，彷彿跨越萬里，將思念化作驚喜送到家人手中。 👩🏼👩🏿👩🏽聊到膚色話題時，膚色深的毛里裘斯同事說，他有個表姐嫁給了中國人，生了三個孩子。他得意地補充：3個孩子膚色完全不同！一個全黑，一個深棕，一個全白！ 還給我們看了照片。 大家都驚訝：真的是同一對父母嗎！？ 他笑著說：當然！基因有趣得很，深膚色不一定總是強勢！ 🚘同事用家鄉話講電話，語氣激動，像在爭吵。她收線後，我關心地問她沒事吧。她嘆了口氣，解釋說兒子剛滿18歲，考到車牌，準備到Southampton讀大學，想出架車。但因為是新手，保險費竟高達£2XX/月，我驚訝費用之高昂，£2XX 是我一年嘅保費！ 她說，上網格價找不到公司承保，最後還是靠朋友介紹的保險經紀才出到，但現在老公又不同意，讓她頭疼不已。 在聯合國文化的工作環境中，這些交流就像拼圖，豐富了我的視野，讓工作更有趣味😆 ～～～～～～～～～～～～～～～～～～ 🚗第三年車保£252.8/年（錢七自動波） https://bit.ly/4fRKEbg 💷UK慳錢/開源方法&Tips https://methyma.blogspot.com/2024/07/uk.html 💛移居英國搵到同路人,會走少好多冤枉路 https://methyma.blogspot.com/2024/09/page3telegram-tgclick-osce-study.html #英國生活  #英國工作 #公司的一角（老細請食冬甩） #米里媽移民英國 #英國護士#香港護士